Журнал

Бош Сахифа / Журнал

«Ижтимоий фикр. Инсон ҳуқуқлари» журнали таҳририяти

«Ижтимоий фикр. Инсон ҳуқуқлари» ижтимоий журнали «Ижтимоий фикр» Маркази томонидан Инсон ҳуқуқлари бўйича Ўзбекистон Республикаси Миллий маркази билан ҳамкорликда 1998 йил март ойидан бошлаб йилнинг ҳар чорагида нашр этиб келинади ва назарий ҳамда амалий характердаги умумметодологик социологик материаллар, хорижий тадқиқотларни таҳлил қилишга ҳамда жамоатчилик фикри сўровлари натижалари ҳақидаги мақолалар нашр қилиб бориладиган республикамиздаги ягона ихтисослашган нашрдир. Журналнинг умумметодологик социология бўйича асосий ахборот базасини «Ижтимоий фикр» Маркази томонидан олиб бориладиган тадқиқотлар натижалари ташкил этади. Унда сиёсатшунослик, ҳуқуқшунослик, иқтисодиёт, тарих, фалсафа, социология ва бошқа ижтимоий йўналишлардаги фанларга бағишланган мақолалар ўзбек, рус ва инглиз тилларида чоп этилади. Журналнинг бош муҳаррири Инсон ҳуқуқлари бўйича Ўзбекистон Республикаси Миллий маркази директори, юридик фанлар доктори, проф. Саидов Акмал Холматович. Журнал таҳририят кенгаши аъзолари Ўзбекистондаги таниқли ҳуқуқшунослар, социологлар, иқтисодчилар, тарихчилардан таркиб топган, жумладан: Абдуллаев Е., Абдурахманов К., Ата-Мирзаев О., Джавакова К., Маминова И., Мухтаров И., Никитенко Г., Ртвеладзе Э., Рахимова Н., Сулейманов Р., Татыбаев А., Тростянский Д., Убайдуллаева Р., Хаджимухамедов М., Холбеков А.

Журнал Олий аттестация комиссиясининг (ВАК) Ўзбекистон Республикасида фан доктори илмий даражасини олиш учун бешта йўналиш: социология, ҳуқуқшунослик, сиёсатшунослик, тарих, фалсафа бўйича олиб бориладиган диссертация ишларининг асосий илмий натижаларини ёритиб боришга қаратилган таниқли илмий журналлар ва нашрлар рўйхатига киритилган. 1998 йилдан бошлаб журналда жаҳоннинг Германия, Франция, АҚШ, Швеция, Исроил, Словакия, Хитой, Жанубий Корея, Ҳиндистон, Малайзия, Россия, Украина, Қозоғистон, Қирғизистон ва Тожикистон каби 15 та давлатидан 1500 дан зиёд муаллифларнинг мақолалари чоп этилди.

Журнални сотиб олиш масалалари бўйича таҳририятнинг қуйидаги телефонларига мурожаат қилинг: 
(+998 71) 239-46-55,
(+998 71) 239-43-39.

Марказ ҳаётидан

Барча суратлар

Янгиликлар

Халқаро социологлар мактаби иш бошлади.

Жорий йилнинг 28 октябрь куни  соат 10.00да «Ижтимоий фикр» Республика жамоатчилик фикрини ўрганиш Марказида Ўзбекистон Республикаси Президентининг 2019 йил 22 февралдаги «Социологик тадқиқотлар ўтказишни давлат томонидан қўллаб-қувватлаш бўйича чора-тадбирлар тўғрисида»ги  Фармонини амалга оширишга бағишланган «Россия ва Ўзбекистон: бевосита алоқаларни йўлга қўйишнинг самарали воситаларини излаш» номли анъанавий Халқаро социологлар мактаби ўз ишини бошлади.

28 October 2019

Хорижлик мутахассислар тажрибаси

Жорий йилнинг  22 октябрь куни Ўзбекистон Республикаси Фанлар академиясида Ўзбекистон Республикаси Президентининг “Социологик тадқиқотлар ўтказишни давлат томонидан қўллаб-қувватлаш чора-тадбирлари тўғрисида”ги Фармони ижросига бағишланган “Жамоатчилик фикрини ўрганиш ва шакллантиришнинг долзарб муаммолари : назария, услублар, амалиёт” мавзусидаги халқаро илмий-амалий семинар   бўлиб ўтди.   

23 October 2019
Барча янгиликлар